اسلامی یکجہتی گیمز میں پاکستان کے ارشد ندیم نے گولڈ میڈل جیت لیا
اسلامی یکجہتی گیمز میں پاکستان کے ارشد ندیم نے گولڈ میڈل جیت لیا۔ جیولین تھرو مقابلوں میں ارشد ندیم نے 88.55 کی گیمز ریکارڈ تھرو کے ساتھ گولڈ میڈل اپنے جیت لیا۔ یہ چوتھاموقع ہے کہ انہوں نےانٹرنیشنل لیول پر گولڈ میڈل حاصل کیاہے۔ اس سے قبل انہوں نے کامن ویلتھ گیمز اور ساؤتھ ایشین گیمز میں بھی گولڈ جیتا تھا۔ ارشد نے ایران میں ہونیوالی امام رضا کپ میں بھی سونے کا تمغہ جیتا تھا۔ ترکی میں منعقدہ اسلامی یکجہتی گیمز میں ارشد ندیم شروع ہی سے چھائے رہے۔ پہلی کوشش میں میں 79.40 کی تھرو کے بعد دوسری کوشش میں انہوں نے 88.55 کی تھرو کی جو اسلامک گیمز کی سب سے بڑی ریکارڈ تھرو ہے۔ اس کے بعد کی تین باریوں میں انہوں نے 75.50، 82.40 اور 83.33 کی تھروز کیں تاہم ان کا کوئی مد مقابل انہیں چیلنج نہ کرسکا یوں انہوں نے ان مقابلوں میں بھی گولڈ میڈل اپنے نام کیا۔ انہوں نے حال ہی میں کامن ویلتھ گیمز میں بھی گولڈ میڈل اپنے نام کیاتھا۔ اپنی کامیابی کے بعد ارشد ندیم نے قومی پرچم لے کر گراؤنڈ کا چکر لگایا اور پاکستانی تماشائیوں کے ساتھ تصاویر بھی بنوائیں۔